काठमाडौं । जबर्जस्ती करणीको आरोप लागेका नेपाली राष्ट्रिय क्रिकेट टोलीका कप्तान सन्दीप लामिछानेले यो केसमा आफूलाई फसाउन खोजिएको बताएका छन् ।
उनले आफू निर्दोष भएको बताउँदै आफूलाई फसाउन खोजिएको बताएका हुन् । नेपाल क्रिकेट संघ (क्यान)का कार्यवाहक सचिव प्रशान्तविक्रम मल्ललाई सन्दीपले आफू निर्दोष
भएको र क्यारेवियन प्रिमियर लिग (सीपीएल) खेलेर नेपाल फर्कने बताएका हुन् । मल्लले भनेका छन्, ‘मैले नै सन्दीपलाई कल गरेको थिए । तिम्रोविरुद्ध उजुरी परेको छ भनेर ।
सन्दीपले आफूलाई थाहा छ भने । मैले उनलाई के हो भनेर सोध्दा उनले मेरो यसमा कुनै संलग्न ता नभएको र निर्दोष भएको बताए,’
‘मैले सन्दीपलाई मुद्दा परिसक्यो तिमीविरुद्ध भन्दा उनले कानुनी उपचारमा क्यानले सहयोग गरिदिन भने ।’ मल्लले भने ।
मल्लले सन्दीपलाई कहिले फर्किन्छौं भन्दा उनले सीपी एल खेलेर फर्किने बताएको जानकारी दिए । ‘मैले तिमी फर्किनुपर्छ भन्दा उनले म सीपीएल सकिएर नै फर्किन्छु भने,’ मल्लले भने ।
मल्लले यस विषयमा आईसीसी र एसियन क्रिके ट काउ न्सिलले पनि चासो देखाएको र उनीहरु लाई आफूले जवाफ दिएर पठाएको बताए ।
‘आईसीसी र एसीसीले चासो देखाएको थियो । मैले उहाँहरुलाई जवाफ पठाइसकेको छु । बाँकी कुरा अदालतले हेर्ने होला,’ मल्लले भने ।
